27.10.09. Tur i Hillestadmarki/stølen

Tysdag 27/10 09.

Denne dagen var det ikkje bestemmt kor vi skulle gå så vi møttest ved Prix,

prata litt og køyrde til Fruli, altså krysset der vegen går opp til Mollandsmarki.

Og her har vi starta på dagens tur, berre 5 kvinns denne dagen.
Falleferdig tre i vegakanten.

Utsikt innover mot Veum og Morki, og Råum i bakgrunn.

Gamalt sel og løe på Hillestadstølen.

Dette er fint motiv for slike som driv med akvarell så her vart det mange bilete.

Dette er eit gammalt mosegroddtre.

Men når ein tek bilete mot sola vert det reine "kunsten" av det.

Og endå eit fint "motiv". Dette er vel og eit sel.

Her er husa på skytebana på Hillestadstølen.

Vi kan ikkje klaga på innsatsen.

Og endå er her tytteber.

Her er det mange som bur men her var ingen å sjå

så dei har nok roa seg for vinteren.

Då vi starta å gå gjekk vi i skugge, men her kjem vi til solskin.

Litt videre vart det fin utsikt over Hafslo og vatnet.

Og her er ei hytte som er under bygging.

Og her på tømmerstokkane gjer vi oss klar til dagens matøkt.

Her er vi på tur attende. Vi ser skibakkane på Heggmyrane i bakgrunn.

Vi kom til eit vegskilje og gjekk videre mot Solbakkenfeltet.

Her møtte vi fleire på tur i godveret. Og så fekk vi god informasjon om område omkring.

Mellom Hillestadstølen og Solbakkenfeltet passerte vi denne sletta.

Gjennom grinda her så kjem vi ned til Solbakkenfeltet.

På vegen attende tok vi inn på ein anna veg og kom ned til steinbrotet ovanom Fruli.

Og alle var samde om at det var ein fin tur, sa vi då vi rusla ned til bilen.

Neste tysdag vert det ny tur.

Kvar er ikkje bestemmt, vi møtest og ser kva veret tillet.