28.06.2011 Tur til Fossen på Hafslo

Tysdag 28.06.2011.

Tur på Hafslo, frå Rupheim til Håvarsete og Fossen.

Dette vart dagen med regn og skodde, og tre spreke damer på tur.

Grusveg er fint underlag i regnver.
Tytteberblomst.

Stølen Håvarsete.

Eit slik lite bygg er eit "must" på kvar ein støl, og dette har fått ei strategisk plasering.

Denne heitte tettegras. Nydeleg blom som har blad i ein rosett i botn og lang tynn stilk.

Stein på ca. 2x6 m. kløyvd på langs tvers gjennom. Merkeleg?

Stølen på Fossen dukkar opp i skodda.

Mykje vatn i denne fossen.

Og vatnet renn nedover marka nedom brua.

Fossen i skoddelandskap.

Ei padde eller ein frosk?

Etter matpausen var skodda sokke ned mot Veitastrandsvatnet, skyene letta og vi var midt mellom. Bakom husa på Fossen og skodda ligg Yngsdalen.

Vi starta på vegen attende til Rupheim.

På marka ligg nokre skikkeleg store steinar, her kan ein krype inn under.

Fint fossefall, her i veggrøfti.

Attende til Håvarsete. Stølen ligg oppe til venstre med markene nedom.

Denne finn eg ikkje i blomsterboka mi, kva heitte den?

Denne heitte Harerug. Nydeleg urt med jordstengel som kan etast.

Og kva er dette?

Nedover mot Rupheim. Bakom er Fevoll og Mollandsmarki til venstre og Storhaugen bakerst.

Ei mark full av fin , gul smørblomst vart avslutninga på denne turen.

21.06.2011. Tur til Svolsete

Tysdag den 21. juni 2011.

Målet for turen i dag var å gå den vegen som vert nytta til motbakkeløpet Molden opp.

Dette løpet startar frå Marifjøra. Vi korta ned litt og køyrde bil til Sviggaplassane.

Vi starta med håp om å gå til Svolsete, evt berre til Steinkveane. Veret var supert og motet på topp, og av 12 stk som starta på turen gjekk 4 til Molden og oss andre til Svolsete.

Der vi parkerte var noko forbi skiltet som synte ein km. frå Marifjøra,

og etter ei stund kom vi til 2 km og høgd 187 moh.
Og så vart det fin utsikt mot Gaupne.

Spreke damer på tur opp bakkane.

Kvilesteinen måtte prøvast.

Utvekst eller vriknute? Er det desse som vert til fine skåler og fat?

Pust i bakken, det vart litt bratt sume stader.

Kjerringabøkset. Kvifor eit slikt namn? Var det berre kjerringane som bøkste her?

Her er provet på at her er bratt. stigning på 293 høgdemeter på ein km. sti.

Her på Steinkveane, 530 m.o.h. er det fin rasteplass.

Bord og benker og utsikt mot Skjolden.

Godt skilta, her går ein ikkje feil.

Gamal furuskog.

Mot Feigefossen.

Etter matpause på Steinkveane gjekk vi videre oppover.

Terrenget flata meir ut og her er stigninga "berre" 170 m på ein km.

Vi skimtar Svolsete med Hafslo og Hafslovatnet i bakgrunn.

Skogstjerne.

Del av område på Svolsete med Molden mot toppen bakom.

Og snur ein seg andre vegen så ligg fjellet Hest langt bak.

Svolsete er eit fint, nokså flatt stølsområde.

Her er retninga innover mot Gaupne og fjella omkring.

Gamal bygning og utsikt mot Hafslo.

Skilta på Svolsete.

Murar etter bygningar.

Også her er det fin rasteplass.

Kanskje det vert ber til hausten. Vi seier ikkje noko om kvar desse er.

Vi såg ikkje mykje vatn, men her kom vi til eit i miniformat.

Og her er det snart slutt på turen. Indre Hafslo i bakgrunn.

14 juni 2011. Tur til Fuglesteg

Tysdag den 14.06.2011.

Tur til Vetlåsen og Fuglesteg.

Dagen starta med litt tvilsomt ver. Det har vore rikelege mengder nedbør i det siste

og det såg ut til at det ville komma meir. Men veret vart ganske bra, vi drog av stad,

dei fleste gjekk heilt opp og nokre få inklusivt undertegna stopp på Vetlåsen.

Sidan fotoapparatet ikkje kom heilt opp har vi lånt foto frå ein tidlegare tur.

Vi har vore på tur til Fuglesteg for 2-3 år sidan og turen er på bloggen.

På bilete her er Fuglesteg.

Og her er Vetlåsen der somme av oss stranda.

Dette bilete er og frå ein tidlegare tur.


Dagens tur starta i Fortun, her er utsikta utover.

Det går oppover.

Innover Fortunsdalen.

Og utsikt utover mot Skjolden .

På vegen oppover var det mykje fint å sjå,

steinar td. kan ha utrulege fargar og formasjonar på 2-4 cm avstand.

Meir stein.

Og endå meir stein. Er kanskje mose som lagar desse fine fargane.

Smørblomst.

Har ikkje funne namn på denne. Hjelp!!

På veg nedover att kjem vi til denne steinen

. Den er stor, og innhola, plass til eit par personar innunder.

Og oppe på steinen er det nokre merkelege hull. Er det isen som har forma alt dette?

Hola under steinen.

Parti frå vegen nett nedom Vetlåsen.

Her er bratt fjellside oppom vegen og mest like bratt på nedsida.

Mor og son?

Og så litt meir stein.

Og endå meir stein.
Så dersom nokon lurer på om enkelte er steingalne så er beviset her.

Denne stilte villig opp til fotografering.

Og resten av flokken ville og vera med.

Vi gjekk køyrevegen nederst og då vart utsikta utover litt annaleis.

Og til slutt klatresteinen i Fortun.

Etter oppryddinga rundt denne steinen kom det fram eit gamalt hus.