Skogsveg på Nes

I dag var det samling på Nes, der Rita Kalstad var så snill å stille opp og guida oss oppover forbi gardane og oppover ein fin skogsveg, der ein kan gå heilt til Flatningane, eller ein kan ta av oppe eit stykke og gå til Råum, men då er siste delen sti som vist skal vera litt tøff for oss. I dag er planen å gå oppover eit stykke, så får me sjå kor langt me kjem.

Me fekk sjå eit gammalt steinhus som dei dreiv og reparerte på, etter som Rita hadde hørt skulle det byggast sammen med det nye huset, me får ta turen ein annan gong å sjå korleis det vert. Det er snakk om å gå same vegen seinare på året, og då gå heilt på Flatningane.

Det var mange hestar der og det er no flotte dyr, men så skulle me ha oss ein rast for å drikka litt, og Rita sett seg på ein stein , men kom seg rimelig fort opp, for under den var det ormebol. Berit hadde fotoaparatet klart og fekk knipsa den siste som sklei på plass.

Me vandra vidare

Og etter å ha gått 2 timar (bilde på start var teke 10.45 og her 12.46) var det tid for mat, me fant oss ei mark der det ikkje var steinar, så der følte me oss trygge for orm, kaffi og mat vart funne fram , neste tur vart diskutert, og det vart bestemt Mollandsmarka må besøkast i år og, planen er å gå frå kvernhuset og ut til Fevol.

Så var det retur same vegen, forbi hestane, hoggormen såg me ikkje meir til, og bra var det.

Men me fekk eit fint syn, mor og barn.

Så var me ved utgangspunktet, kunne nyta utsikten frå den nye rasteplassen på Nes, og som me slutta slilane med før i tida.......alle var einige om att det var ein fin tur.