03.05.2011 Solvorn -Setålen

Også denne tysdagen kom med sol og flott vær.
15 glade damer samla seg i storesvingen ned mot Solvorn og var klare for tur!

KVITE SKO !!!!!
er det tingen i vårløysinga? litt blaut enkelte plassar, men det gjer ingen ting.

Sjå på den utsikta

Best å sjå litt kor ein går og, me vil ikkje ha noko knall og fall

Men stopp for å fotografera må til

Ein hard oppvekst har vist dette treet hatt.

Mykje fint rennande vatn

Og så måtte me no beundra utsikta bort på Fevoll, der både me og Oppdrag Sognefjord har vore

På avstand gjennom skogen såg denne steinen ut som eit møne , og me trudde no er me på Setålen, men deg gang ei, men ein artig stein var det no.

Men so såg me ein mur, og kansje er det her....

Nokon har myst trøsta si og.....

Så var vi på Setålen

Her var det mange valg....

Postkasse var det og, og sjølvsagt måtte me skriva oss inn der....

her vart det kaffirast, og meir fotografering

Me ser Hafslovatnet

Fjorden innover til Kroken og Mollandsmarki

Så var det på tide å ta beina fatt på nedstiginga, me tok ein annan veg nedatt

Her var det mange steinmurar

Og digre einar

Litt ride ranke vart det og

Raude merker var det, så me var nok på rett veg.

26.04.2011 Tur på Skjolden

Ny fin tysdag og vi er klar for tur.

Vi samlast på Skjolden, ved fotballbana og badeplassen.

Vi startar med å beundre utsikten ut Lusterfjorden med Molden i bakgrunn.
Vi skal gå innover mot Mørkridsdalen, på vestsida av elva.
Her er det fin grusveg frå fotballbana eller frå Hauge og langt innover.

Hauge mot fjorden.

Mørkridsdalselva, Bolstad og Bolstadnosi.

Har nokon bomma på høgdemålinga?

Elva sett framover.

Elva sett heimover.

Ein gamal bygning dukkar fram.

Eit kvernhus.

Inni kvernhuset er det kvernsteinar og anna.

Sikkert lenge sidan det er brukt, men bør kanskje restaurerast.

Vetlahuset i skogen.

Og eit fint lite tømra hus,

er det ei hytte eller kva har eller vert dette nytta til?

Går ein videre framover her kjem ein til Kreken,

men vi tok ein tur opp bakkane.

På andre sida av elva ligg Skåri og Rebni litt lengre oppe.

Oppi bakkane vart det fin utsikt. Her ser vi korleis elva svingar seg i terrenget,

vi ser noko av Skjolden, over Eidsvatnet og innover.

Det var og fin utsikt mot fjorden.

Bolstad.

Eit tettbygd strøk på Skjolden.

Frå denne vinkelen ser det ganske tettbygd ut her og, men veit ikkje kva område heitter.

Kanskje dette og heitte Bolstad?

Og dersom nokon har ein skrue laus så er her hjelp å få.

Ein pensjonist.

Vi nermar oss slutten på turen, Molden dukkar opp i bakgrunn.

Avslappa liv på ein sandbanke utanom elveosen.

Og desse nyt sola på ein stein.